Aclaración á recollida do material do alumnado do instituto

Como dixemos xa na mensaxe de onte, estes días son “para recoller o material que o alumnado deixou no centro”.

Son para a recollida dos posibles efectos persoais que o alumnado deixara na aula, e que agora é o momento de recuperar. Os centros pecharon pola corentena ante a epidemia, e houbo alumnado que non levou todo para casa.

Hai que lle explicar á xente do instituto onde deixaron os rapaces e rapazas as cousas (roupa, material: libretas, estoxos, libros...), para que poidan atopalos e devolverllos a quen vaia buscalos, e insistimos: teñen que ser as persoas adultas da familia quen ten que ir por esas cousas.

Recollida do material do alumnado do instituto que non ten actividade presencial

As familias do alumnado do IES Sánchez Cantón que non ten clases a partir de hoxe (luns, 25 de maio), poden pasar polo centro a recoller o material escolar que os seus fillos e as súas fillas deixaron na aula, ou noutros lugares do centro.

Antes de ir hai que chamar por teléfono ao instituto, porque hai que establecer quendas de recollida, baseadas no número de persoas que poden estar nos espazos (recomendacións sanitarias pola COVID-19).

1º e 2º da ESO e 1º de BACH chamarán o 26 de maio, e pasarán recoller o material o día 27.

3º e 4º da ESO chamarán o 28 de maio, e pasarán recoller o material o día 29.

OLLO! Ten que pasar facer a recolleita a familia (adultos), non os fillos ou fillas!

OLLO! É para recoller o material que o alumnado deixou no centro, NON para devolver os libros. Os libros devolveranse despois de recibir as notas. As familias do alumnado que aprobe, devolverán os libros antes das vacacións. Quen suspenda, pode quedar cos libros ata setembro. Todo o que ten que ver cos libros de texto avisarao o centro no seu momento.

O enlace coas explicacións do que hai que facer agora, está en:

https://www.edu.xunta.gal/centros/iessanchezcanton/aulavirtual2/mod/forum/discuss.php?d=14865

O luns 25 de maio de 2020 retómanse as clases presenciais no instituto de 2º de BACH e 2º de TSEASD

O luns, 25 de maio de 2020, comezarán de novo as clases presenciais de 2º de BACH e 2º de TSEASD, e ata o 19 de xuño (derradeiro día das clases), de cara á preparación das ABAU (probas de Avaliación de Bacharelato para o Acceso á Universidade).

A asistencia a clase é voluntaria.

Recoméndase que o alumnado estea no instituto 10 minutos antes do comezo da súa primeira clase, co obxecto de facer unha entrada escalonada, conforme ás normas de seguridade sanitaria.

Lémbrase que será imprescindible, en todo momento, o cumprimento das normas de seguridade sanitaria, durante a presenza do alumnado e profesorado no centro: lavado ou desinfección frecuente das mans, mantemento da distancia de seguridade e uso das máscaras.

Máis información sobre as normativas e os horarios, aulas e subgrupos..., na web do instituto:

https://www.edu.xunta.gal/centros/iessanchezcanton/aulavirtual2/?lang=es

Convocatoria do fondo solidario de libros de texto e axudas para libros de texto e material escolar para o curso escolar 2020-2021

Convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2020/2021.

O prazo para presentar as solicitudes iniciarase o día seguinte ao da publicación desta orde no Diario Oficial de Galicia e rematará o día 19 de xuño de 2020 incluído.

https://www.edu.xunta.gal/portal/fondolibros

Proceso de solicitude de ADMISIÓN no instituto

A reserva de praza do alumnado do IES Sánchez Cantón para o vindeiro curso 2020-2021 farase de xeito telemático.

Todo o alumnado do centro, á marxe de ter ou non entregado no centro o documento de preinscrición no seu momento, fará agora unha preinscrición a través de internet antes do 18 de maio (do mes no que nos atopamos), da que chegará ás familias a información polo Abalar.

As familias que non teñan Abalar poderán facer a súa preinscripción presencialmente na secretaría do centro, entre as 9,30 h e as 13,00 h, segundo as datas para os cursos que se estableceron para o alumnado externo:

https://www.edu.xunta.gal/centros/iessanchezcanton/aulavirtual2/pluginfile.php/40815/mod_label/intro/Restablecemento%20do%20procedemento%20de%20admisi%C3%B3n%20de%20alumnado%20(4)%20(1).pdf

Proceso de solicitude de ADMISIÓN no instituto para o curso 2020-2021

Restableceuse o procedemento de admisión do alumnado do 2º ciclo de educación infantil, educación primaria, educación secundaria obrigatoria (ESO) e Bacharelato, en centros docentes sostidos con fondos públicos, para o curso académico 2020-2021.

O prazo para a presentación das solicitudes de admisión iniciarase o día 11 de maio de 2020 e rematará o día 18 do mesmo mes.

A atención presencial na secretaría do IES Sánchez Cantón levarase a cabo dende o luns 11 de maio ata o luns 18 de maio, en horario de 09,30 h a 13,00 h.

Esta información está na web do instituto en:

https://www.edu.xunta.gal/centros/iessanchezcanton/aulavirtual2/?lang=es

OLLO!, que para presentar os papeis, SÓ é do LUNS 11 ao VENRES 15!!!

E mirade ben en que DÍA e HORA vos toca, por curso e grupo!

As quendas por horas e cursos, están en:

https://www.edu.xunta.gal/centros/iessanchezcanton/aulavirtual2/mod/forum/discuss.php?d=14205

E en:

https://www.edu.xunta.gal/centros/iessanchezcanton/aulavirtual2/pluginfile.php/40815/mod_label/intro/Restablecemento%20do%20procedemento%20de%20admisi%C3%B3n%20de%20alumnado%20%284%29%20%281%29.pdf

Os impresos de PREINSCRICIÓN no IES Sánchez Cantón (Pontevedra) para o curso 2020-2021 están na web do instituto neste enlace:

https://www.edu.xunta.gal/centros/iessanchezcanton/aulavirtual2/course/view.php?id=1194

Estase a traballar no centro nunha opción para poder cubrir a solicitude por medio dunha vía telemática (a través da web), debido as circunstancias especiais provocadas pola COVID-19. Necesítase ter rematada a ferramenta informática que faga isto posible e tela validada. Cando estea, se os resultados son axeitados, enviarán a información, dende o instituto, a través do foro do instituto e do espazo Abalar.

As programacións didácticas das materias que se cursan no IES Sánchez Cantón estarán publicadas na web do instituto, para a súa consulta, no espazo dos Departamentos:

https://www.edu.xunta.gal/centros/iessanchezcanton/aulavirtual2/mod/page/view.php?id=22518