29 de abr. de 2020

Saídas, excursións, viaxes… e devolución do diñeiro

Como xa saberedes, este curso o instituto cambiou a maneira de xestionar as viaxes. Isto fixo imposible devolver o diñeiro das saídas, dende a ANPA, como se viña facendo en cursos anteriores.

O 21 de decembro de 2019, enviamos, a través do blog, un aviso explicando que o diñeiro se devolvería todo xunto á fin de curso, tal e como se decidiu na Asemblea Xeral da ANPA de setembro.

Pero esta devolución que tiñamos prevista, e que se ía facer en efectivo e persoalmente no instituto, faise imposible por mor da corentena pola COVID-19 e polos riscos que conlevaría xuntar a varias persoas no centro, aínda que fose no mes de xuño.

Como medida preventiva, e para evitar riscos de posibles contaxios, pensamos que é mellor facer as devolucións por transferencia, ás familias que teñen fill@s que foron ás excursións que houbo antes de ter que cancelar todas as saídas. E, dado que na folla de inscrición non hai que poñer o número de conta de cadaquén, e, polo tanto, non o temos, precisamos que nos facilitedes os vosos. Vainos pedir por correo electrónico o tesoureiro da ANPA, Roberto Rúas, quen vos enviará cartas polo devandito correo electrónico nos días vindeiros.

Estade atent@s a este tema, porque as mensaxes poden entrarvos ao cartafol de Spam.

Saúdos cordiais!



12 de abr. de 2020

Canceladas as viaxes didácticas do instituto


PENAVENTURA 4º ESO:
A axencia realizará unha transferencia ás familias do custo da viaxe.

ATAPUERCA 1º BACH:
A axencia xa depositou no instituto a devolución do diñeiro en metálico. Xestionarase esta devolución ás familias en canto sexa posible.




2 de abr. de 2020

Aviso URXENTE do instituto sobre Abalar e as notas


O instituto avisa de que é IMPORTANTE e URXENTE que as familias accedan ao espazo Abalar porque as notas van chegar mañá a través del, e porque é unha ferramenta para poder seguir a actividade educativa dos seus fillos e fillas de xeito cómodo e rápido, e permite aumentar o acercamento entre o profesorado e as familias.

Pódese acceder dende o ordenador ou instalando a aplicación abalarMóbil no teléfono ou outras plataformas.

O aviso do instituto está nesta ligazón:

A aplicación abalarMóbil está nesta ligazón:

A entrada ao espazo Abalar dende o ordenador está nesta ligazón: